უკვე ცნობილი გახდა, რომ მანჩესტერ "იუნაიტედი" დავიდ დე ხეას ასე ადვილად არ შეელევა.

როგორც ირკვევა "წითელი ეშმაკებისა" და მადრიდის "რეალის" ხელმძღვანელები ერთმანეთს უკვე შეხვდნენ. საქმე დავიდ დე ხეას ტრანსფერს შეეხო. ფლორენტინო პერესმა საუბრის დროს საკმაოდ მოულოდნელი კითხვა მიიღო: - "რაფაელ ვარანი ხელმისაწვდომია ჩვენთვის?"

ფაქტია, რომ "იუნაიტედელთა" ინტერესი ფრანგი ცენტრალური მცველის მიმართ საკმაოდ დიდია. თუმცა საქმე იმაშია, რომ რაფაელ ვარანთან ერთად "წითლებმა" თანხის დამატებაც მოითხოვეს, იმისთვის, რომ დე ხეა "რეალში" გაუშვან.

მადრიდელებმა მოლაპარაკების დროს თავიანთი პოზიციები დაიცვეს და განაცხადეს, რომ ახალგაზრდა მცველი არ იყიდება. რაც შეეხება დე ხეას, "ბლანკოსი" მზად არის ნებისმიერი სხვა მოლაპრაკებისთვის.

Marca.com