კრიშტიანო რონალდუ რაფაელ ბენიტესის ფორმაციის მადრიდის „რეალში“ გაცილებით შეზღუდულ სათამაშო დროს მიიღებს...

რაფა ბენიტესის აზრით, კარლო ანჩელოტის გუნდის შარშანდელი წარუმატებლობა ფეხბურთელთა გადაღლილობამ განაპირობა, რადგან იტალიელი მწვრთნელი მხოლოდ ერთ შემადგენლობას ენდობოდა, ფეხბურთელები კი ძალების აღდგენას ვერ ახერხებდნენ.

პორტუგალიელმა ვარსკვლავმა, კრიშტიანო რონალდუმ ყველა ტურნირზე ჯამში 4845 წუთი ითამაშა, რამაც მასზე გარკვეული უარყოფითი ზეგავლენა მოახდინა.

გავრცელებული ინფორმაციით, რაფა ბენიტესი ისეთ მატჩებში, სადაც გუნდი 3-0 და ასე დიდი ანგარიშით წინ იქნება, პორტუგალიელ ფეხბურთელს დასვენების საშუალებას მისცემს, კრიშტიანო ასევე დაისვენებს ნაკლებადმნიშვნელოვან შეხვედრებში.

„გოლები ძალიან კარგია, რეკორდები კიდევ უკეთესი, მაგრამ რონალდუ გუნდის წარმატებისთვის გვჭირდება“ - სწორედ ასეთ განცხადებას აკეთებს „ბლანკოსის“ ახალი მწვრთნელი.

გავრცელებული ინფორმაციით, რონის ლიმიტი მომდევნო სეზონში ყველა ტურნირზე მაქსიმუმ 4000 წუთი იქნება.