დიეგო სიმეონემ მომდევნო სეზონში ჩემპიონთა ლიგის ფავორიტად მადრიდის "რეალი" დაასახელა.

"მადრიდის "რეალს" მიმდინარე სეზონში არ გაუმართლა. მომდევნო წელს ჩემპიონთა ლიგის ფავორიტი სწორედ სამეფო კლუბი იქნება. "თეთრებმა" მრავალწლიანი პაუზის შემდეგ მხოლოდ ერთხელ მოახერხეს თასის აღმართვა და ვფიქრობ მომდევნო სეზონი მათვის წარმატებული გამოდგება. ისინი აუცილებლად გახდებიან ევროპის ყველაზე პრესტიჟული გათამაშების გამარჯვებულები."

"ფავორიტად სამეფო კლუბს დამატებით ერთი მიზეზის გამო მივიჩნევ. "ბლანკოსის" მთავარი მწვრთნელის პოსტზე რაფა ბენიტესი დაინიშნა, რომელსაც ჩემპიონთა ლიგაზე ასპარეზობის უდიდესი გამოცდილება აქვს. მის შემადგენლობაში იქნებიან უმაღლესი დონის ფეხბურთელები, რომელთაც ნებისმიერი მითითების 100%-ით შესრულება შეუძლიათ."

Goal.com