გავრცელებული ინფორმაციით, კარიმ ბენზემა მანჩესტერ „იუნაიტედთან“ ახლოს არის, ფლორენტინო პერესმა კი ფრანგი ფეხბურთელი შესაძლოა, დავიდ დე ხეას ტრანსფერში ჩართოს...

ორივე გუნდის ინტერესი ძალიან დიდია. ლუის ვან გაალს ბენზემა მოსწონს და თვლის, რომ შეტევით პოტენციალს კიდევ უფრო გააძლიერებს, თანაც მას ანხელ დი მარიასთან თამაშის გამოცდილება აქვს. ეს ფეხბურთელები შარშანდელ „რეალში“ დამანგრეველ ძალას ქმნიდნენ.

დე ხეას ფასი 30 მილიონ ევრომდე მერყეობს, ბენზემასი კი 55 მილიონამდე. აქედან გამომდინარე არ არის გამორიცხული, პერესმა კარიმი ინგლისში გაუშვას, სანაცვლოდ კი გუნდში დავიდ დე ხეა, ბიუჯეტში კი 20 მილიონი ევრო ჩარიცხოს.