ანჩელოტის წასვლის შემდეგ, რაფაელ ბენიტესი დამოძღვრავს „რეალის“ ფეხბურთელებს მომდევნო 3 წლის განმავლობაში.

55 წლის სპეციალისტი, რომელმაც ყველაფერი მოიგო საერთაშორისო დონეზე და რომელშიც გაერთიანებულია წარმატება, გამოცდილება და მადრიდული სულისკვეთება, „ნაპოლიდან“ გადაბარგდა სამეფო კლუბში.მას 100-ზე მეტი მატჩი მოუგროვდა ევროთასებზე და აღნიშნულ კომპონენტში, ლიდერია თანამემამულე კოლეგებს შორის.მეთოდური ტაქტიკოსი, თავდაუზოგავად მშრომელი და ფეხბურთის მცოდნე ბენიტესი, ერთ-ერთი საუკეთესო დამრიგებელია საფეხბურთო სამყაროში.

ის კარგად იცნობს დედაქალაქური გრანდის ისტორიასა და ღირებულებებს, რამეთუ მისი საფეხბურთო აკვანი სწორედ „რეალში“ დაირწა.სხვადასხვა ასაკობრივ გუნდებში მუშაობის შემდეგ, 93/94 წლების სეზონში, რაფაელი, პირველი შემადგენლობის მთავარი მესაჭის თანაშემწედ დანიშნეს.მან 1995 წელს დატოვა მშობლიური ნავსაყუდელი და „ოსასუნაში,“ „ვალიადოლიდში,“ „ექსტრემადურასა“ და „ტენეფირეში“ მოსინჯა ძალები, ხოლო 2001 წელს, „ვალენსია“ ჩააბარეს, სადაც 3 წლიანი კარიერის განმავლობაში, 2 ლა ლიგა და 1 ევროპა ლიგა დადო.

2004 წელს, ესპანელს „ლივერპულის“ გაწვრთვნა ანდეს და ამ უკანასკნელმაც არ დააყოვნა.არც მეტი არც ნაკლები, პირველივე სეზონში იზეიმა „მერსისაიდელებთან“ ერთად ყველაზე პრესტიჟული ტურნირის მოგება.მან საერთო ჯამში 6 წელი გაატარა „წითლებში“ და კიდევ 2 ტიტული შემატა კლუბის ისტორიას.ამასთანავე, 2004-სა და 2005 წლებში, „უეფას“ ვერსიით, არავის დაუთმო საუკეთესო მწვრთნელის წოდება.

ნისლიანი ალბიონიდან წასვლის შემდეგ, ესპანელმა „ინტერი“ ჩაიბარა.რეგულაური ჩემპიონატი არც იტალიაში მოუგია, თუმცა მსოფლიო საკლუბო მუნდიალი და ევროპის სუპერ თასი დაუტოვა სამახსოვროდ „ნერაძურის“ გულშემატკივრებს და 2012 წელს კვლავ ბრიტანეთში დაბრუნდა.ბენიტესმა 1 წელი გაატარა „ჩელსის“ თავკაცის რანგში და ამ დროინს განმავლობაში, „არისტოკრატებმა“ ევროპა ლიგა დაიბევეს.

მისი ბოლო კლუბი გახლდათ „ნაპოლი,“ სადაც იტალიის თასისა და სუპერთასის აღება მოახერხა.

კარიერა:
1986-1995: რეალის აკადემია
1995-1996: ვალიადოლიდი
1996-1997: ოსასუმა
1997-1999: ექსტრემადურა
2000-2001: ტენერიფე
2001-2004: ვალენსია
2004-2010: ლივერპული
2010-2010: ინტერი
2012-2013: ჩელსი
2013-2015: ნაპოლი
2015- : რეალი

ტიტულები:
- 1 ჩემპიონთა ლიგა
- 1 მსოფლიო საკლუბო მუნდიალი
- 1 ევროპის სუპერ თასი
- 2 ევროპა ლიგა
- 2 ლა ლიგა
- 1 FA Cup
- 1 იტალიის თასი
- 2 იტალიის სუპერ თასი
- 1 FA Community Shield

RealMadrid.Com