იტალიური La Gazzetta Dello Sport არ არის ერთადერთი გამომცემლობა, რომელიც ვერატის გამადრიდელებას წინასწარმეტყველებს. იგივე ინფორმაციას ავრცელებს ფრანგული L'Equipe.

ფლორენტინო პერესს ნახევარდაცვის გაძლიერება აქვს განზრახული და გამომდინარე იქიდან, რომ პოლ პოგბას გადაბირებას ბევრი გუნდი ცდილობს, თეთრების პრეზიდენტმა გეგმა-ბ შეიმუშავა, რომლის მიხედვითაც ის მარკო ვერატის, იგივე ახალ პირლოს დაიმატებს.

ფრანგული გამომცემლობის თანახმად 23 წლის იტალიელს ძალიან სურს სამეფო კლუბში ასპარეზობა და ჩემპიონთა ლიგის მოგება, რაც პარიზული კლუბის შემადგენლობაში ფაქტიურად გამორიცხულია.

პსჟ კი არ აპირებს ფეხბურთელის დათმობას, მათი განცხადებით ვერატი დიდი ხნის განმავლობაში შეიძლება იყოს კლუბის ქვაკუთხედი ნახევარდაცვაში, ამიტომ არ არის გამორიცხული მარკოს ისეთი პირობები შესთავაზონ, რომელზეც უბრალოდ უარს ვერ იტყვის და დიდი ხნით დაუკავშირებს მომავალს პარიზულ კლუბს.