ჯეიმი კარაგერმა, "ლივერპულის" ლეგენდარულმა ფეხბურთელმა, რაფა ბენიტესზე და მადრიდის "რეალზე" ისაუბრა.

"ხშირად საუბრობენ იმაზე, რომ ბენიტესი დაცვითი სტილის ფეხბურთს თამაშობს, ეს სქემა კი მადრიდის "რეალს" არ გამოადგება. მე ამ მოსაზრებას არ ვეთანხმები. რაფა დაბალანსებულ ტაქტიკას მიჰყვება. იგი ფეხბურთელებს მუდამ აიძულებს მცველებას და შემტევებს შორის მჭიდრო კავშირი იყოს."

"ვფიქრობ "თეთრებმა" ყურადღება უნდა მიაქციონ ბეილს, რომელსაც რთული სეზონი ჰქონდა. კრიშტიანო რონალდო სეზონში 50-60 გოლის გატანას ახერხებს და მას არანაირი პრობლემა არ აქვს. რაც შეეხება უელსელ ვარსკვლავს, ამ უკანასკნელს სამწვრთნელო შტაბისა და თანაგუნდელების დახმარება დასჭირდება თავისი თავის რწმენის დასაბრუნებლად."

"ბენიტესისთვის ერთადერთი გუნდი, რომელიც უიღბლო აღმოჩნდა, ეს იყო "ინტერი", სადაც მხოლოდ ექვსი თვე იმუშავა, ამის შემდეგ კი იგი გაანთავისუფლეს. მადრიდის "რეალი" შეცდომებს არ პატიობს და ვფიქრობ რაფა დიდი პასუხისმგებლობით უნდა მოეკიდოს საქმეს."

Bernabeudigital.com