მოგეხსენებათ მადრიდის "რეალი" 20015/16 წლების სეზონისთვის სამზადისი ჩინეთში და ავსტრალიაში გაიმართება, სადაც "ბლანკოსის" განაცხადში მოხვდება ორი ახალგაზრდა კასტილიელი ტალანტი, მარტინ ოდეგარი და ალვარო მედრანი.

21 წლის მედრანი სამეფო კლუბის პირველ გუნდში არაერთხელ იყო გამოძახებული, თუმცა სამწუხაროდ მან მარჯვენა ფეხზე მძიმე დაზიანება მიიღო რის გამოც დიდი პერიოდი გაუცდა. 12 ივლის მადრიდის "რეალი" დაიწყებს მზადებას მომდევნო სეზონისთვის, სადაც ალვარო განაცხადში იქნება და თავის შანსს დაელოდება კლუბის ახალი თავკაცისგან.

შეგახსენებთ, რომ მედრანის დებიუტი წელს შედგა, როდესაც მან ტრავმირებული ლუკა მოდრიჩი შეცვალა. აღსანიშნავია, რომ კასტილიას ნახევარმცველმა ერთი გოლის გატანაც მოახერხა "ლუდოგორეცის" კარში.

As.com