მადრიდის „რეალმა“ 2014/15 წლების სეზონში 4-ჯერ მოახერხა სტანდარტულიდან გოლის გატანა. რაც არ უნდა გასაკვირი იყოს, ასეთი მწირი შედეგი ესპანეთის პრიმერაში საუკეთესო აღმოჩნდა...

ჩემპიონმა „ბარსელონამ“ სტანდარტიდან მხოლოდ 3-ჯერ შეძლო მეტოქის კარის აღება და ერთით ჩამორჩა მეორეადგილოსან სამეფო კლუბს.

4-იდან ორჯერ კრიშტიანო რონალდუმ იხეირა, თითო-თითო სტანდარტული კი ხამეს როდრიგესმა და გარეთ ბეილმა შეასრულეს.

აღსანიშნავია, რომ გატანილი ჯარიმის მაჩვენებლების მიხედვით კრიშტიანო უკვე ძალიან მოიკოჭლებს. მას 50 დარტყმიდან საშუალოდ 1 გოლი გააქვს, რაც ძველ შედეგებთან შედარებით მართლაც დიდი რეგრესის მაჩვენებელია.

მიუხევად გატანილი 2 გოლისა, ოქროს ბურთის მფლობელი საუკეთესო მეჯარიმეთა შორის აღარ არის, ის ბოძებული შანსების მხოლოდ მინიმუმს იყენებს.