წითელი ეშმაკების ჰოლანდიელი მწვრთნელი არ აპირებს ანხელ დი მარიას გუნდიდან გაშვებას.

არგენტინელი ნახევარმცველის დაბრუნებით დაინტერესებული იყო ფლორენტინო პერესი, მას კი კონკურენციას მიუნხენის ბაიერნი და პსჟ უწევდნენ. Daily Express-ის სტატიის მიხედვით კი ვან გაალმა კლუბის ხელმძღვანელობას მოსთხოვა დი მარიას შენარჩუნება, ვინაიდან მიაჩნია, რომ პირველი სეზონი არგენტინელისათვის რთული აღმოჩნდა, რადგან აქამდე მუდამ სამხრეთ ევროპულ კლუბებში უწევდა თამაში, სადაც სრულიად განსხვავებული ატმოსფეროა ვიდრე პრემიერ ლიგაში. აქედან გამომდინარე აღნიშნული სეზონი აუცილებელი იყო ადაპტაციისათვის.