ასიერ ილიარამენდი და ფაბიო კოენტრაუ მადრიდის „რეალში“ ახალი მწვრთნელის დანიშვნას ელოდებიან...

ორივე ფეხბურთელის ბედი ახალ მწვრთნელზე იქნება დამოკიდებული, რომელიც სავარაუდოდ რაფაელ ბენიტესი უნდა იყოს.

ასიერის შანსები დღევანდელი ფორმაციის „რეალში“ მინიმალურია, მან კარლო ანჩელოტისგან არაერთხელ მიიღო ნდობა, მაგრამ გაცემულ ავანსებს ვერ ამართლებდა.

რაც შეეხება კოეს, ის მართლაც შესანიშნავი ფეხბურთელია, მაგრამ გაუთავებელმა ტრავმებმა სერიოზული პრობლემები შეუქმნა.

ასევე გასათვალისწინებელია მარსელო ვიეირას ფაქტორი. ბრაზილიელი ფეხბურთელი საკუთარ პოზიციაზე მსოფლიოში საუკეთესოა.

მაშ ასე, კოენტრაუ და ილიარა ბენიტესს ელოდებიან, სწორედ ესპანელი სპეციალისტი გადაწყვეტს, დარჩებიან თუ არა გუნდში ხსენებული ფეხბურთელები.