გავრცელებული ინფორმაციით, მადრიდის „რეალის“ ადმინისტრაციაში აზრთა სხვადასხვაობაა...

ხელმძღვანელთა ერთი ნაწილი მიიჩნევს, რომ კლუბი რაფაელ ბენიტესმა უნდა ჩაიბაროს, მეორე ნაწილის აზრით კი, რაფა კლუბს ვერ ააყვავებს და მასზე უკეთეს შედეგებს უნაი ემერი დადებს, რომელიც „სევილიას“ უდგას სათავეში.

ემერიმ „ევროპალიგა“ უკვე მოიგო, რაც იმას ნიშნავს, რომ ანდალუსიური კლუბი ჩემპიონთა ლიგის საგზურს მიიღებს.

გავრცელებული ინფორმაციის მიხედვით, ემილიო ბუტრაგენიოს უნაის კანდიდატურა ძალიან მოსწონს.

აღსანიშნავია, რომ უნაის კანდიდატურით „მილანი“ და მანჩესტერ „სიტიც“ ინტერესდება, აქედან გამომდინარე ფლორენტინო პერესს მოქმედება მართებს, მაგრამ პრეზიდენტის ფავორიტი ბენიტესია.