Daily Mirror იუწყება, რომ მანჩესტერ იუნაიტედის ხელმძღვანელობა ინტენსიურ მოლაპარაკებებს აწარმოებს პორტოს ხელმძღვანელობასთან ბრუნო ალვეშის ტრანსფერის საკითხთან დაკავშირებით...

ალექს ფერგიუსონს სურს პორტუგალიელის საკუთარი გუნდის რიგებში ხილვა და ხელმძღვანელობაც ყველაფერს აკეთებს ტრანსფერის გასაჩარხად.

როგორც ჩანს შოტლანდიელი სპეციალისტი ეგუება იმ აზრს, რომ ნემანია ვიდიჩი ზამთარში თუ არა ზაფხულში მაინც დატოვებს მანჩესტერ იუნაიტედს და სწორედ მის შემცვლელად მოიაზრება პორტუგალიელი "ახმახი" მცველი.

ფლორენტინო პერესს სერბის შეძენა ზამთარში სურს, რადგან დამტვრეულია პეპე და მის იდეალურ შემცვლელად სწორედ ვიდიჩს მოისაზრებს.

მანუელ პელეგრინისაც ძალიან მოსწონს ნემანიას სათამაშო სტილი და მისი აზრით რეალში ეს ფეხბურთელი უფრო გაიხსნება და სრულფასოვნად წარმოაჩენს თავის საფეხბურთო დონეს.

თუ მანჩესტერ იუნაიტედი შეძლებს ბრუნო ალვეშიც ყიდვას, მაშინ ,,ბლანკოსის" ხელმძღვანელობას უფრო მეტი შანსი ექნება მანჩესტერელი მცველის გადაბირების. დაველოდოთ მოვლენათა განვითარებას.