ანჩელოტი:„ხეტაფესთან მატჩის შემდეგ პერესს შევხვდები“
კარლო ანჩელოტიმ „ხეტაფესთან“ მატჩის წინ პრეს-კონფერენცია გამართა...
„სეზონი სრულდება. ჩვენი მიზანი „ხეტაფეს“ დამარცხება და ჩემპიონატის 92 ქულით დასრულება იქნება. დაპირისპირების დასრულების შემდეგ ფლორენტინო პერესს შევხვდები და ერთად გადავწყვეტთ დავრჩები თუ არა მადრიდში.“
„შესანიშნავი თანაშემწეები მყავს ვილიამ ვეკის, კლემენტისა და იეროს სახით. რომ არა ისინი, წარმატებას ვერ მივაღწევდით.“
„შარშანდელ სეზონში წარმატებას მივაღწიეთ, რაც პირველ რიგში იმის დამსახურებაა, რომ ნაკლები პრობლემა გვონდა. წლეულს, ტრავმების მხრივ, არ გაგვიმართლა. მოდრიჩისა, ხამესისა და სერხიო რამოსის ტრავმებმა დაღი დაგვასვა. თებერვლის თვე საშინელი გამოდგა.“
„ფლორენტინო პერესთან ყოველთვის განსაკუთრებული ურთიერთობა მქონდა, პრეზიდენტს პატივს ვცემ. 2 წლის განმავლობაში „რეალში“ მუშაობა დიდ სიამოვნებას მანიჭებდა, ამ პერიოდს ყოველთვის დადებითად შევასებ.“
„თუ დავრჩი ნამდვილად გამიხარდება, თუმცა წასვლის შემთხვევაში კლუბს თავაწეული დავტოვებ.“
„კრიშტიანო რონალდუ აუცილებლად გახდება „პიჩიჩი“, პორტუგალიელმა ფეხბურთელმა შესანიშნავი სეზონინ ჩაატარა.“
„მე მიყვარს მადრიდის „რეალი“ და ამ გუნდში მყოფი ფეხბურთელები. ერთმანეთთან შესანიშნავი ურთიერთობა გვაქვს.“
„ბევრი მაკრიტიკებს, ზოგი კი თვლის, რომ ჩემი მუშაობა სწორხაზოვანია. უშეცდომო არავინ გახლავ, მათ შორის არც მე, მაგრამ ჩემი აზრით „ბლანკოსი“ სწორ გზას ადგას.“
„პირადი განცხადების საფუძველზე მადრიდულ გიგანტს არ დავტოვებ, ჩემთვის დიდი პატივია დედაქალაქში მუშაობა. ფეხბურთელებს დიდ პატივს ვცემ და მათგანაც ანალოგიურს ვითხოვ.“
„ამ სეზონში „ვილიარეალთან“ და ბილბაოს „ატლეტიკთან“ განცდილმა ფიასკომ ყველაფერი უარესობისკენ წაიყვანა.“
„კლუბთან ერთად ჩემპიონთა ლიგა და სხვა თასები მოვიგე, რაც ძალიან მნიშვნელოვანია.“
„პოლ პოგბა? ფრანგი ფეხბურთელის ყოლას გუნდში ნებისმიერი მწვრთნელი ისურვებდა, მას უდიდესი მომავალი აქვს.“
„კეილორმა „ესპანიოლის“ წინააღმდეგ ითამაშა, ხვალ კი სავარაუდოდ, იკერი დაიცავს მადრიდული გუნდის ღირსებას.“
- 22 მაი 2015
- 3 905
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
