ესპანეთში ყველაზე პოპულარულმა გამოცემა „Marca“-მ გამოკითხვა ჩაატარა, სადაც მადრიდელმა ქომაგებმა მთავარი მწვრთნელი აირჩიეს...

დორტმუნდის „ბორუსიას“ თავკაცი, იურგენ კლოპი უკონკურენტო აღმოჩნდა, მან ხმათა 44%-ს მოუყარა თავი. მეორე ადგილზე მიჩელი გავიდა, რომელიც იურგენს მნიშვნელოვნად ჩამორჩა და 14.7 % აიღო. მესამე ადგილი უნაი ემერიმ დაიკავა, რომელსაც მხარი 10.8 %-მა დაუჭირა.

ზინედინ ზიდანმა და რაფაელ ბენიტესმა კი 10%-იანი მაჩვენებელიც ვერ დადეს. მადრიდელი ქომაგები მათ ჯერ-ჯერობით არ ენდობიან.

გამოკითხულთა რაოდენობამ 30 000-ს გადააჭარბა.