მადრიდის "რეალმა" ლა ლიგის ეგიდით ჩატარებულ საგარეო მატჩებში გატანილი გოლების მიხედვით რეკორდი დაამყარა.

სამეფო კლუბმა გასულ ტურში "ესპანიოლის" წინააღმდეგ უკანასკნელი გასვლითი შეხვედრა ჩაატარა, რომელიც ანგარიშით 1-4 მოიგო. საერთო ჯამში სტუმრად ჩატარებული მატჩების რაოდენობა 19-ს შეადგენს. ამ დაპირისპირებებში "თეთრებმა" 53 გოლის გატანა მოახერხეს, რაც ლა ლიგის ისტორიაში საუკეთესო მაჩვენებელია. 2011/12 წლების სეზონში საუკეთესო შედეგი 51 ბურთი იყო. ეს მაჩვენებელი გულისხმობს იმას, რომ "რეალს" ერთ საგარეო მატჩში საშუალოდ 2.78 გოლი გააქვს.

ანჩელოტის პირველი წარმატებული მატჩი რაისორზე იყო, როდესაც გუნდმა 2-8 იმარჯვა. კლუბის ათმა ფეხბურთელმა შეძლო მასპინძლების კარში გოლების გატანა მიმდინარე სეზონში. საუკეთესო ბომბარდირი კი რაღა თქმა უნდა გასვლით მატჩებშიც კრიშტიანო რონალდოა (23 გოლი).

Realmadrid.com