მადრიდის რეალი აგვისტოს თვეში აუდის თასის გათამაშებაში მიიღებს მონაწილეობას. მეგობრული ტურნირის ორგანიზატორი მიუნხენის ბაიერნია.

მადრიდის რეალმა უკვე დაადასტურა, რომ მიიღებს მონაწილეობას აღნიშნულ ტურნირში. მეორე კლუბი რა თქმა უნდა მასპინძელი მიუნხენის ბაიერნი იქნება, რაც შეეხება დარჩენილ ორ კლუბს მათი ვინაობა ივნისის დასაწყისში გახდება ცნობილი.

ტურნირი 2009 წლიდან იღებს სათავეს და ტრადიციულად ორ წელიწადში ერთხელ იმართება. წელს 4-5 აგვისტოს ჩატარდება და მონაწილე გუნდები ჯერ ნახევარფინალურ მატჩს ითამაშებენ. გამარჯვებულები ერთმანეთს ფინალში დაუპირისპირდებიან და გაარკვევენ პირველი და მეორე ადგილის მფლობელის ვინაობას. დამარცხებულები კი მესამე ადგილისათვის იბრძოლებენ.