ჟოზე მოურინიომ talkSPORT-თან საუბრისას ესპანეთის ჩემპიონატზე ისაუბრა.

"ესპანეთში ვმუშაობდი, მაგრამ სიამოვნებას ვერ ვიღებდი. ჩემპიონატი სარეკორდო მაჩვენებლით მოვიგე, 100 ქულა და 121 გოლი, რაც პრემიერ ლიგაში წარმოუდგენელი შედეგი უნდა იყოს წესით. იმ წელს კი ჩვენ რეალურად მხოლოდ 3-4 რთული მატჩის ჩატარება მოგვიწია. აგრეთვე წავაგე ტიტული 92 ქულით, მაგრამ ისევ მხოლოდ 4-5 თამაშის ჩატარება მოგვიწია."

"ესპანეთში გრძნობ ზეწოლას, რომ უნდა მოიგო ყველა მატჩი, თუ ვერ მოიგებ მაშინ ჩემპიონი ვერ გახდები. სამწუხაროდ იქ გიგანტებსა და პატარა გუნდებს შურის ძალიან, ძალიან დიდი უფსკრულია. ესპანეთსა და იტალიაში მე ძალიან ბევრი მატჩი მოვიგე ისე, რომ გუნდი დავასვენე და პარალელურად ჩემპიონთა ლიგის მატჩზეც ვფიქრობდით."

"ამ სეზონში კი ბრედფორდთან მხოლოდ რამდენიმე ფეხბურთელის დასვენება გადავწყვიტე და წავაგე კიდეც ის მატჩი. ინგლისში 2:0-ს თუ იგებ და ერთი გოლი გაუშვი, იცი, რომ ვინც არ უნდა იყოს შენი მეტოქე ბოლო წუთებში ჯოჯოხეთს მოგიწყობენ. სწორედ ეს არის პრემიერ ლიგის რეალობა, აქ ყველაფერი უფრო ინტენსიურია, არა მხოლოდ ფიზიკურ, არამედ მენტალურ ინტენსიურობაზე მაქვს საუაბარი."

"განსხვავება პრემიერ ლიგასა და ლა ლიგას შორის ძალიან დიდია. მოიგებენ თუ არა რეალი და ბარსელონა პრემიერ ლიგას? შესაძლოა მოიგონ, შესაძლოა ვერა."