ინგლისურ საინფორმაციო წყაროებზე დაყრდნობით, მადრიდის „რეალის“ უელსელი შემტევის, გარეთ ბეილის გადაბირებით კიდევ ერთი მანჩესტერული კლუბი დაინტერესდა...

მოგეხსენებათ, მანჩესტერ „იუნაიტედის“ თავკაცი ლუის ვან გაალი ბეილზე შეყვარებულია და მასში 100 მილიონ ევროზე მეტის გადახდას აპირებს, მაგრამ დღეს გავრცელებული ინფორმაციით „სიტის“ მესვეურებიც ფიქრობენ გარეთის დამატებაზე, რომელსაც პრემიერლიგაში თამაშის დიდი გამოცდილება აქვს.

„ქალაქელთა“ შეთავაზება შედარებით მოკრძალებულია, რომელიც 60 მილიონს შეადგენს. აქედან გამომდინარე მათი შანსი აშკარად ნაკლებია.

თუ ფლორენტინო პერესმა ბეილის გაშვება გადაწყვიტა, ის აუცილებლად ამჯობინებს „წითლების“ წინადადებას, ვინაიდან ფინანსური თვალსაზრისით მეტად მომგებიანი იქნება.

იმ შემთხვევაში თუ კარლო ანჩელოტი პრემიერლიგაში გადავა, გარეთის „სიტიში“ გადასვლის შანსი მართლაც გაიზრდება, რადგან იტალიელსა და უელესელს ახლო ურთიერთობა აქვთ.

დაველოდოთ მოვლენათა განვითარებას...