სეზონი "მადრიდის რეალისთვის" დასრულებულია (არავის არ აქვს ილუზია, რომ ორ მატჩში რამე განსაკუთრებული მოხდება და "რეალი" ჩემპიონობას შეძლებს), შესაბამისად ჭორები კლუბის ირგვლივ აქტიურ ფაზაში შედის.

'Sportmediaset'-ი იუწყება, რომ კარლო ანჩელოტიმ, რომელსაც "მადრიდის რეალთან" მოქმედი კონტრაქტი 2016 წლამდე აქვს, ერთი თვის წინ "მანჩესტერ სიტისთან" წინასწარი კონტრაქტი გააფორმა, რომლის მიხედვითაც, თუ "თეთრებთან" ერთად წელს ვერ შეძლებდა ტიტულის მოგებას და მას კლუბიდან დაითხოვდნენ , ის აუცილებლად მიაშურებდა ინგლისს.

"თუ მან ვერ იგრძნო მხარდაჭერა პრეზიდენტის , ფეხბურთელების და გულშემატკივრების მხრიდან, ის დაემშვიდობება "თეთრებს" და წავა" - ირწმუნება 'Sportmediaset'-ი, რომელიც ასევე აცხადებს, რომ უახლოეს დღეებში ანჩელოტის მომავალთან დაკავშირებით ყველაფერს ნათელი მოეფინება.

წყარო: AS