ტურინიოს "იუვენტუსის" თავდამსხმელმა, ალვარო მორატამ, ნახევარფინალური დაპირისპირებების განმეორებით შეხვედრაზე ისაუბრა. შეგახსენებთ, რომ იგი მადრიდის "რეალის" აღზრდილია.

"კარლო ანჩელოტისთან ძალიან კარგი ურთიერთობა მაქვს. მე მან ბევრი რამ მასწავლა და მრავალ მნიშვნელოვან შეხვედრაში მიმაღებინა მონაწილეობა, მათ შორის იყო ჩემპიონთა ლიგის ფინალი. ლისაბონში მინდორზე რამდენიმე წუთი გავატარე, თუმცა არასდროს დამავიწყდება ის ემოციები, რაც იქ განვიცადე. ახლა "იუვენტუსის" ღირსებას ვიცავ და მინდა, რომ ყველაფერი გავაკეთო ჩემი გუნდის წარმატებისთვის."

"სამეფო კლუბზე არ ვფიქრობ, რადგან ტურინში უბედნიერესი ვარ. ჩემთვის მნიშვნელობა არ აქვს ბოლოს როდის მოიგო "იუვემ" ჩემპიონთა ლიგა. ახლა ფინალში გასვლის რეალური შანსი გვაქვს და ძალ-ღონეს არ დავიშურებთ ამისთვის."

Bernabeudigital.com