სამეფო კლუბის ლეგენდასა და კარის დარაჯს არცთუ ისე სახაბიელო მომენტი უდგას კარიერაში.

მიმდინარე სეზონის განმავლობაში, „სანტიაგი ბერნაბეუს“ პუბლიკამ არა ერთხელ გამოხატა უკმაყოფილება კასილიასის მიმართ, თუმცა „ვალენსიასთან“ შეხვედრაში, ყოველგვარ ზღვარს გადააბიჯეს მისმა არაკეთილმოსურნეებმა, რამაც, ერთ მომენტში, კაპიტნის აღშფოთება გამოიწვია.

მიუხედავად ასეთი სურათისა, იკერი კლუბიდან წასვლას არ აპირებეს, რამეთუ ფიქრობს, რომ მის წინააღმდეგ კამპანიაში მხოლოდ გარკვეული ჯგუფები არიან ჩაბმული და მადრიდული სამყაროს უმრავლესობას, სულ სხვანაირი დამოკიდებულბა აქვს მის მიმართ.„ფურია როხას“ კარის დარაჯს 2017 წლის ზაფხულში ეწურება კონტრაქტი მშობლიურ კლუბთან და როგორც ბევრ ინტერვიუში უთქვამს, ბოლომდე აპირებს ნაკისრი ვალდებულებების შესრულებას.მეტიც, ახალი გოლკიპერის მოსვლის შემთხვევაში, საუბარია დავიდ დე ხეაზე, იკერი მზად არის სასტარტო შემადგენლობა დათმოს და შედარებით მშვიდი ცხოვრება გააგრძელოს სათადარიგო სკამზე.

ჯერჯერობით, უცნობია „რეალის“ პრეზიდენტის აზრი შექმნილ სიტუაციაზე, თუმცა ის, რომ თანაგუნდელები და სამწვრთნელო შტაბი სრულ ნდობას უცხადებენ კასილიასს, ამაზე საუბარიც არ ღირს.

MARCA