მადრიდის "რეალს" პრობლემები არ ელევა.

მოგეხსენებათ სამეფო კლუბი მძიმე ვითარებაში იმყოფება. გუნდმა "ვალენსიასთან" შეხვედრა ფრედ დაასრულა საკუთარ მოედანზე და თითქმის ხელიდან გაუშვა ჩემპიონობის შანსი. "იუვენტუსთან" გასვლაზე მარცხის შემდეგ, "თეთრებს" მინიმუმ ერთი გოლის გატანა მართებთ სანტიაგო ბერნაბეუზე, რათა ფინალში გავიდნენ.

კარლო ანჩელოტის იმის იმედი აქვს, რომ კარიმ ბენზემა ტურინელების წინააღმდეგ სრულად აღიდგენს კონდიციებს და გუნდს დაეხმარება. იტალიელი სპეციალისტი დარწმუნებულია, რომ ფრანგი ფორვარდი ნახევარფინალური ეტაპის განმეორებით მატჩში გადამწყვეტ როლს ითამაშებს.

Bernabeudigital.com