ენცო მარესკას განცხადებით, მადრიდის „რეალი“ ვარკვლავებით დახუნძლული გუნდია, თუმცა ლუკა მოდრიჩის შეცვლა ვერ ხერხდება...

„ალბათ არავინ დაობს იმაზე, რომ კარლო ანჩელოტის შესანიშნავი კოლექტივი ჰყავს, თუმცა ჩემი აზრით სამეფო კლუბს რესურსის მხრივ აშკარა პრობლემები აქვს.“

„ევროპის წამყვან კლუბებს შორის შემადგენლობის მხრივ, ყველაზე მეტად სწორედ დედაქალაქურ კლუბს უჭირს.“

„არ არის მოდრიჩი და რა ხდება? ნახევარდაცვაში თამაშობს დაცვის ბურჯი, სერხიო რამოსი, რომელიც შეცდომას შეცდომაზე უშვებს და საბოლოო ჯამში საერთო სურათი ფუჭდება.“

„ვფიქრობ, 2-1 კარგი ანგარიშია, მაგრამ სანტიაგო „ბერნაბეუზე“ 90 წუთის გატარება დიდ სირთულეებთან არის დაკავშირებული. მითუმეტეს მაშინ, როდესაც „ბლანკოსს“ გოლი აქვს გასატანი.“