სერხიო რამოსმა ტურინელებთან დამარცხების შემდეგ ინტერვიუ ჩაწერა...

„2-1 ცუდი ანგარიში არ არის, მაგრამ მატჩის მიმდინარეობიდან გამომდინარე უკეთესი შედეგის ჩვენება შეგვეძლო. ჩვენი მთავარი უპირატესობა საშინაო არენა იქნება, სადაც უდიდესი მოტივაცით ვითამაშებთ და ვეცდებით ყველაფრის შემოტრიალებას.“

„საკუთარი თავების მიმართ კრიტიკულები უნდა ვიყოთ, მაგრამ სიმშვიდე შევინარჩუნოთ და მაქსიმალურად ვეცადოთ მომდევნო კვირისთვის კარგად მომზადება. ახლა ისეთი ერთიანობაა საჭირო, როგორც არასდროს. მადრიდის „რეალის“ მიზანი მეთერთმეტე თასის მოგებაა.“

„გულშემატკივრებს ვთხოვ, რომ სტადიონზე მოვიდნენ და მხარი დაგვიჭირონ, მათი როლი ძალიან დიდია.“

„საკუთარი თამაშით კმაყოფილი არ ვარ, რადგან ხარვეზები მქონდა, თუმცა ყველაფერი გამოსწორებადია.“

„იმედს არავინ კარგად, რადგან მეტოქის მოედანზე გოლის გატანა შევძელით, „ბერნაბეუზე“ კი სამეფო კლუბს ნებისმიერი პრობლემების დაძლევა ძალუძს.“

„ალვარო მორატა ძალიან კარგი ფეხბურთელია. მიხარია, რომ ამხელა პროგრესს აჩვენებს, ის ხომ წლების მანძილზე იცავდა „მერენგების“ ღირსებას. შეხვედრის შემდეგ ჩვენ ვისაუბრეთ.“

„ჩემპიონთა ლიგა დროებით დავიწყებას მიეცა, რადგან ლა ლიგაში უპრინციპულესი მატჩი გვაქვს „ღამურების“ წინააღმდეგ. ყველა მატჩის მოგება გვმართებს.“