დავიდ დე ხეას ტრანსფერი დასასრულისკენ მიდის.

ყოველდღიურად პრესაში იბეჭდება ახალი ინფორმაცია ესპანელი კიპერის ტრანსფერთან დაკავშირებით. რამდენიმე დღის წინ გავრცელებული ინფორმაციის მიხედვით, მანჩესტერ "იუნაიტედი" მზად იყო 60 მილიონი ევროს სანაცვლოდ გაეყიდა დე ხეა, დღეს კი წყარო კვლავ იუწყება ახალ ცნობას.

გამოცემა Marca-ს მიხედვით, მადრიდელებმა და იუნაიტედელებმა 40 მილიონ ევროზე მოილაპარაკეს. გარიგება უკვე დასასრულს უახლოვდება და დიდი ალბათობით, სეზონის დასრულებისთანავე ახალგაზრდა ესპანელ მეკარეს სანტიაგო ბერნაბეუზე წარადგენენ.

შეგახსენებთ, რომ დე ხეას მანჩესტერ "იუნაიტედთან" 2016 წლის 30 ივნისამდე აქვს კონტრაქტი, რომლის გახანგრძლივებაზეც ფეხბურთელმა უარი განაცხადა.

Marca.com