კარლო ანჩელოტი დიდი სიფრთხილით აპირებს თამაშს მშობლიურ მიწაზე.

სამეფო კლუბის დამრიგებლის სურვილია, რომ მაქსიმალურად გაანეიტრალოს ტურინელი შემტევები და რაც შეიძლება ნაკლები მომენტები შეიქმნას კასილიასის კართან.სერხიო რამოსის მოედნის ცენტრში განწესების ფონზე, „იუვენტუსის“ წინააღმდეგ დასვენება მოუწევს მარსელოს, რომელიც არ გამოირჩევა დაცვითი ფუნქციების ეფექტურად შესრულებით.ამ უკანასკნელი ადგილს დაიკავებს კოენტრაუ.მართალია, პორტუგალიელი თავს ვერ იწონებს სათამაშო წუთების რაოდენობით, თუმცა ყოველთვის ეძლევა თავის გამოჩენის შანსი მნიშვნელოვან პაექრობებში.

როგორც იცით, ფაბიუ იცავდა „ბლანკოსის“ ღირსებას „ატლეტიკოსთან“ განმეორებით შეხვედრაში და შარშან, როგორც ნახევარფინალურ, ასევე ფინალურ დაპირისპირებებში.გადამწყვეტ მომენტებში, ანჩელოტი სწორედ მის საიმედოობაზე აკეთებს აქცენტს და გამონაკლისი არც ხვალინდელი დღე იქნება.

ამასთანავე, უნდა ითქვას, რომ ბოლო პერიოდში ბრაზილიელი მცველი ამოვარდნილია ფორმიდან და საკმაოდ ბევრ შეცდომას უშვებს.

MARCA