სამეფო კლუბისათვის სასიხარულო ინფორმაციით დაიწყო „სევილიასთან“ მატჩისათვის მომზადების ეტაპი.

როგორც დაანონსებული იყო, თანაგუნდელებთან ერთად, სრული დატვირთვით ვარჯიში განაახლა გარეთ ბეილმა.ამ უკანასკნელმა 18 აპრილს მიღებული მუხლის ტრავმა მოიშუშა და მზად არის „სანჩეს პისხუანზე“ „რეალის“ ღირსების დასაცავად.

დღევანდელ შეკრებაზე, კროოსისა და არბელოას გარდა, „ალმერიასთან“ სასტარტოში მოასპარეზე ფეხბურთელებმა სატრენაჟორო დარბაზში იმუშავეს, ხოლო პირველი შემადგენლობის დანარჩენმა წევრებმა, რომელთა შორის იყვნენ კასტილიელებიც (მუნიოსი, ბენავენტე, მაიორალი და ლავინი), მწვრთნელის დავალებება მოედანზე შეასრულეს.

შეგახსენებთ, რომ „სევილიასა“ და „რეალის“ თამაში, შაბათს (02 მაისი), 22 საათზე (თბ. დროით) დაიწყება.

MARCA