კარლო ანჩელოტიმ "ალმერიასთან" გამარჯვების შემდეგ პრეს-კონფერენცია გამართა...

"სეზონის დასკვნით ეტაპზე გადავედით. "ალმერიას" დამარცხებით ბრძოლის გაგრძელების საშუალება მოგვეცა, ახლა კი "სევილიასთან" მოგვიწევს საუკეთესოს გამოვლენა, შემდეგ "იუვენტუსთან", "ვალენსიასთან" და სხვა უძლიერეს გუნდებთან."

"ბეილის და ბენზემას შესახებ ყოველდღიურ მოხსენებას ვისმენ, ორივე მათგანი ინდივიდუალურად ვარჯიშობს. იმედი მაქვს, კარიმი ტურინში ითამაშებს."

"ხამესი საკუთარი სასწაულებრივი შესაძლებლობებით ყველას აოცებს."

"დარწმუნებით ვერ ვიტყვი, რომ ლა ლიგის დანარჩენ შეხვედრებ აუცილებლად მოვიგებთ, მაგრამ გუნდი ამისთვის მზად არის. ყველაფერს გავაკეთებთ 12 ქულის მოსაპოვებლად."

"ოდეგარი ძალიან ახალგაზრდაა. მას არაერთხელ მიეცემა მოედანზე შესვლის და თავის გამოჩენის საშუალება. დღეს იყო პირველი შეხვედრა, როდესაც განაცხადში მოხვდა და მეორე ტაიმში ხურდებოდა."

"კრიშტიანოს დასვენება არ სჭირდებოდა. პორტუგალიელმა მრავალი მცდელობის მიუხედავად გოლის გატანა ვერ მოახერხა, მაგრამ კოლექტივს 3 ქულის მოპოვებაში დაეხმარა, რაც ყველაზე მთავარია."

"ილიარამენდის მიმართ ნდობა მაქვს, მან ისე ვერ ითამაშა, როგორც წინა შეხვედრაში, თუმცა გარკვუელ ასპექტებში დამაჯერებელი იყო. ბასკის გამოსვლით კმაყოფილი ვარ."