პეპე "ალმერიას" დამარცხებით კმაყოფილია. პორტუგალიელმა მცველმა კომენტარი გააკეთა...

"მიუხედავად იმისა, რომ შემადგენლობაში დიდი ცვლილებები განხორციელდა, 3 ქულის მოპოვება აუღელვებლად შევძელით და ბრძოლას განვაგრძობთ. იმისათვის, რომ ამხელა დანაკლისები აღმოვფხვრათ, გუნდური სულისკვეთებაა საჭირო, სხვაგვარად წარმატებას ვერ მივაღწევთ."

"მწვრთნელის ყველა დავალება ზედმიწევნით შევასრულეთ და დამსახურებულად დავაფიქსირეთ ტაბლოზე 3-0."

"ხამესმა შესანიშნავი გოლი გაიტანა და ძალიან კარგი შთაბეჭდილება დატოვა, იგივეს თქმა შემიძლია ჩიჩარიტოზეც, რომელიც არასდროს ნებდება."

"როტაცია აუცილებელი იყო, ვინაიდან მომდევნო მატჩებში დიდი ენერგის დახარჯვა მოგვიწევს. თამაშის საშუალება ყველას ეძლევა, ვინაიდან სეზონი მეტისმეტად გრძელია."

"არ მაინტერესებს რას აკეთებს "ბარსელონა", ბოლო ტურამდე ბრძოლას და ყველა მატჩის მოგებას ვგეგმავ."