"მადრიდის რეალის" ვებ-გვერდი კლუბის ოფიციალურ განცხადებას ავრცელებს. განცხადების ტექსტს უცვლელად გთავაზობთ

პრესაში გუშინ და დღეს გავრცელებულ ინფორმაციასთან დაკავშირებით, რომელიც ეხებოდა უკანონოდ შეძენილი არასრულწლოვანი ფეხბურთელების გამო "მადრიდის რეალისთვის" სანქციების დაწესებას, გვინდა განვაცხადოთ:

1. ასეთი ტიპის ინფორმაციები მტკნარი სიცრუეა, რომელიც დასტურდება იმ ფაქტითაც, რომ ესპანეთის ფეხბურთის ფედერაციამ სხვადასხვა მედიაში უკვე უარყო "მადრიდის რეალის" მონაწილეობა უკანონობაში.

2. "მადრიდის რეალი" აცხადებს, რომ ის თავის საქმიანობას ახორციელებს ფიფას წესების სრული დაცვით, როგორც ეს განმარტებული იყო კლუბის 2015 წლის 26 იანვრის განცხადებაში;

3. "მადრიდის რეალი" მკაცრად გმობს აღნიშნული ტიპის ინფორმაციის სხვადასხვა მედიასაშუალებებით გავრცელებას, ვინაიდან ეს მიზნად ისახავს კლუბისთვის ზიანის მიყენებას.

4. ასევე კლუბი გაოცებულია იმ ფაქტით, რომ მედიის წარმომადგენლებმა კლუბის მიერ ბოლო დროს შეძენილი ფეხბურთელები დაუკავშირეს მოლოდინს თითქოსდა ფიფას მხრიდან კლუბი ელოდებოდა სანქციებს.

5. "მადრიდის რეალი" კიდევ ერთხელ აცხადებს, რომ ის განუხრელად იცავდა, იცავს და დაიცავს მომავალშიც ახალგაზრდების უფლებებს, ხელს შეუწყობს მათ სპორტულ განვითარებას და ამავდროულად აფიქსირებს თავის მზადყოფნას, საჭიროების შემთხვევაში ითანამშრომლოს ფიფასთან.

წყარო: RealMadrid.com