ზიდანი და პერესი ერთმანეთს შეხვდნენ
მადრიდის "რეალის" პრეზიდენტი, ფლორენტინო პერესი "კასტილიას" დამრიგებელ ზინედინ ზიდანს შეხვდა.
ჯერ-ჯერობით უცნობია, თუ რაზე ისაუბრეს პრეზიდენტმა და ლეგენდარულმა ფეხბურთელმა, მაგრამ კულუარული ინფორმაციით შეხვედრა "კასტილილიელი" ფეხბურთელების სამომავლო გეგმებს და თავად ზიზუს მომავალს შეეხო.
პერესმა დეტალური ანგარიში მოისმინა მარტინ ოდეგარზე, რომელიც "კასტილიაში" თამაშობს, მაგრამ კვირაში 5-ჯერ მთავარ კოლექტივთან ერთად ირჯება. პრეზიდენტს აინტერესებს რამდენად არის ნორვეგიელი მზად, რომ მთავარ გუნდს დაეხმაროს.
კარლო ანჩელოტიმ მარტინი "ალმერიასთან" შეხვედრისთვის განაცხადში შეიყვანა, ახალწვეული შესაძლოა მომდევნო მნიშვნელოვან პაექრობებშიც მოხვდეს განაცხადში და მოედანზე გასვლა შეძლოს.
ექსპერტთა აზრით, პერესი გადახალისებაზე სერიოზულად ფიქრობს, მაგრამ რადიკალური ნაბიჯების გადადგმისგან თავს იკავებს.
ესპანელი პრეზიდენტისთვის ჯერ არსებობს ზიდანი და შემდეგ სხვები - კლოპი, ლოპოტეგი, ბენიტესი და ასე შემდეგ.
- 29 აპრილი 2015
- 3 420
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
