დღევანდელ შეხვედრას, რომელსაც "მადრიდის რეალი" "ალმერიას" წინააღმდეგ გამართავს, თუ არ ჩავთვლით, "ბარსელონას" და "მადრიდის რეალს" ოთხი ფინალის ჩატარება მოუწევთ.

ლუის ენრიკეს შეგირდების შემდეგ მეტოქე "კორდობაა", შემდეგ სახლში "სოსეიდადს" მიიღებენ, რომლის შემდეგაც "კალდერონზე" სათამაშოდ მადრიდში გაემგზავრებიან და ბოლო ტურში "დეპორტივოს" ღებულობენ "კამპ ნოუზე".

ამ ოთხი მეტოქეიდან ორი გადარჩენისთვის იბრძვის - "კორდობა" ცხრილის ფსკერზეა, მასთან ახლოსაა "დეპორტივოც". "სოსეიდადი" ცხრილის შუაშია განთესილი, ხოლო "ატლეტიკო" კი მესამე ადგილისთვის იბრძვის, რომელიც მას ჩემპიონთა ლიგის ჯგუფურ ეტაპზე პირდაპირ გასვლის შესაძლებლობას აძლევს.

"მადრიდის რეალი" საჩემპიონო გზაზე დღეს "ალმეტიას" დაუპირისპირდება, შემდეგ "სევილიას", რომლის შემდეგაც სახლში მიიღებს "ვალენსიას", რის შემდეგაც გაემგზავრება ბარსელონაში "ესპანიოლთან" სათამაშოდ, ხოლო ბოლო ტურში "ხეტაფეს" უმასპინძლებს.

ანჩელოტის ძალიან რთული კალენდარი აქვს, ვინაიდან "ალმერიას" შემდეგ მას მეოთხე და მეხუთე ადგილოსან კლუბებთან უწევს თამაში.

წყარო: SPORT.ES