„ალმერიასთან“ დაპირისპირების წინ, კარლო ანჩელოტიმ პრესკონფერენცია გამართა.

„თავიდანვე ვიცოდით, რომ ხამესი დიდი შესაძლებლობების მქონე ფეხბურთელი იყო.კოლუმბიელმა მოკლე დროში გაიარა ადაპტაცია ახალ კლუბთან და დიდებულ სეზონს ატარებს.ის სასარგებლოა გუნდისათვის.“

„ვფიქრობ, ყველაფერი დამოკიდებულია ადამიანის ხასიათსა და თვისებებზე.არიან ფეხბურთელები, რომლებიც მარტივად ეგუებიან ახალ გარემოს და პირიქით.ძირითად, ახალგაზრდებს უჭირთ განსხვავებულ ატმოსფეროში თამაში.“

„ჩიჩარიტოს საკითხს სეზონის დასრულების შემდეგ განვიხილავთ.სიმართლე გითხრათ, ძალიან მომწონს მექსიკელის დამოკიდებულება საქმისადმი.მას რთული სეზონი ჰქონდა, თუმცა ბრწყინვალედ იყენებს შანსს.მწვრთნელისათვის პოზიტიურია ასეთი ფეხბურთელის ყოლა.“

„მარტინ ოდეგარი და კიდევ ორი კასტილიელი „ალმერიასთან“ მატჩის განაცხადში მოხვდებიან.“

„თითზე ჩამოსათვლელია იმ მატჩების რაოდენობა, რომელშიც 3 ცენტრალური მცველით ვიასპარეზეთ.განვლილი პაექრობა ვიგოში, ნამდვილად მოითხოვდა ამას, რამეთუ მოწინააღმდეგ 4 თავდამსხმელით გვეთამაშებოდა.მსგავსი ტაქტიკა სიტუაციიდან გამომდინარეობს.“

„დიახ, ხვალინდელ შეხვედრაში ნავასი დაიცავს გუნდის კარს.“

„ახლა ვერ ვისაუბრებ წარულსა და შეცდომებზე.ჩიჩარიტომ დიდი დახმარება გაუწია გუნდს.ვიმედოვნებ, რომ მომავალშიც ასეთი პროდუქტიული იქნება.“

„სეზონის ამ ნაწილში სასიცოცხლო მნიშვნელობა აქვს ნებისმიერ მატჩს.„ალმერიას“ უყვარს ბურთის კონტროლი და სწრაფი მოქმედებები.ვფიქრობ, ისინი კარგ კონდიციებში არიან.რა თქმა უნდა, ადვილ გასეირნებას არ ველოდები.მეტოქე გადარჩენისთვის იბრძვის და კონკრეტული მიზნით გამოვა მოედანზე.“

„გეთანხმებით, რთული კალენდარი გვაქვს, თუმცა შემადგენლობა თავდაჯერებულია.ფეხბურთელების კონდიციები დამაკმაყოფილებელია, ჩვენ ნაყოფიერად ვაგორებთ ბურთს.ცხადია, არ უნდა ვიფიქროთ იმაზე, წაიბორძიკებს თუ არა „ბარსელონა.“

„ჩვენი გათვლით, „სევილიასთან“ მატჩისათვის მწყობრში ჩადგება ბეილი, ხოლო ბენზემა კვირიდან დაიწყებს სრული დატვირთვით ვარჯიშს.“

„ტრავმის შემდეგ, ხამესი დასვენებული დაბრუნდება მოედანზე და სარგებელი მოაქვს გუნდისათვის.აღსანიშნავია, რომ ტალანტთან ერთად, კარგი ფიზიკური მონაცემებითაც გამოირჩევა.“

„შესაძლოა ძველი იტალიური გზებით ვითამაშოთ „იუვენტუსის“ წინააღმდეგ.2 ფრეც შესანიშნავია.“

„სამწუხაროდ, ხესეს კონდიციები არ არის ოპტიმალური, თუმცა ხვალინდელ მატჩში მონაწილეობას მიიღებს.“

AS