„სელტასთან“ გამართული შეხვედრა კარლო ანჩელოტისათვის განსაკუთრებული გამოდგა.

იტალიელი სპეციალისტის თაოსნობით, გუნდმა 301 გოლი (112 შეხევდრაში) მიითვალა ყველა ტურნირზე. აღნიშნული შედეგი, ანჩელოტიმ, „რეალში“ მწვრთნელობის მეორე სეზონში შეძლო. საშუალო მაჩვენებლით, სამეფო კლუბის ერთ მატჩში 2,7 გოლს იტანს. 301 გოლიდან მადრიდულმა გრანდმა 203 - „ლა ლიგაში“, 63 - ჩემპიონთა ლიგაზე, 26 - „კოპა დელ რეიზე“, 6 - მსოფლიო საკლუბო მუნდიალზე, 2 - ევროპის სუპერთასზე და 1 - ესპანეთის სუპერთასზე გაიტანა.

კარლოს პირველ სეზონში „თეთრებმა“ 160-ჯერ მოახერხეს მეტოქეთა კარის აღება, ხოლო მიმდინარეში კი, მათი მონაგარი 141-ს შეადგენს. საიუბილეო მე-300 გოლი კოლუმბიელი ხამეს როდრიგესის ანგარიშზეა.

ასევე აღსანიშნავია, რომ ანჩელოტი „რეალის“ ისტორიაში მეშვიდე მწვრთნელი გახდა, რომლის დამოძრილებმაც, „ლა ლიგაში“ 200 და მეტი გოლი გაიტანეს (მიგელ მუნოსი - 809, მოურინიო - 326, ლეო ბენხაკერი - 304, დელ ბოსკე - 301, მოლოვნი - 251 და ფრანცისკო ბუიო - 221).

Realmadrid.Com