კოლუმბიელმა ნახევარმცველმა მორიგი დიდებული შეხვედრით დაამახსოვრა თავი გულშემატკივრებს.

თამაშიდან თამაშამდე, ხამეს როდრიგესი შეუცვლელი ფიგურა ხდება „რეალისათვის,“ რაც კიდევ ერთხელ დაამტკიცა პრიმერა განვლილ ტურში.ერთი შეხედვით რთულ სტადიონზე, სამხრეთ ამერიკელმა ფრთები გაშალა.მან მონაწილეობა მიიღო პირველ გოლში, შემდეგ ასისტი გაუკეთა ჩიჩარიტოს, ხოლო გამარჯვების ბურთი თვითონ ჩაიწერა აქტივში.2 თვიანი პაუზის მიუხედავად, ის უკვე 11 შედეგიან დარტყმას მოითვლის ესპანეთის ჩემპიონატში.

აღსანიშნავია, რომ ხამესის დაბრუნების შემდეგ, კლუბის ამბებიც სასიკეთოდ შეიცვალა.მან 6 შეხვედრაში მიიღო მონაწილეობა, საიდანაც 5 მადრიდელების გამარჯვებით დასრულდა, ხოლო ერთიც ყაიმით.

„ჯერ არაფერია დასრულებულია, ჩვენ ყველა ტიტულისათვის ბოლომდე ვიბრძოლებთ.მართალია, პრიმერაში „ბლანკოსზე“ არ არის დამოკიდებული ყველაფერი, თუმცა ვეცდებით ყველა მატჩი მოვიგოთ და დაველოდოთ კონკურენტის შედეგებს“ - დასძინა „სელტასთან“ ნამატჩევს 23 წლის ფეხბურთელმა.

MARCA