TMW ექსკლუზიურ ინფორმაციას ავრცელებს, რომლის მიხედვით, მადრიდის "რეალის" მთავარმა მწვრთნელმა, კარლო ანჩელოტიმ, ლონდონის "ჩელსის ნახევარმცველის, ჯონ ობი მიკელის გადაბირება გადაწყვიტა...

მიკელს კარლიტო შესანიშნავად იცნობს და მისი შესაძლებლობებიც იცის. 28 წლის ნახევარმცველს ჟოზე მოურინიო აღარ სწყალობს. შუახაზელმა მიმდინარე სეზონში მხოლოდ 14-ჯერ მოირო "ჩელსის" მაისური, რაც თავისთავად ძალიან დაბალი მაჩვენებელია.

მიკელს ლონდონიდან აბარგება აქვს გადაწყვეტილი და შეთავაზების შემთხვევაში მადრიდულ გიგანტს უმალვე დათანხმდება.

ჯერ-ჯერობით უცნობია თავად ანჩელოტის მომავალი, რომელიც მთავარი ინიციატორი გახლავთ. იმ შემთხვევაში თუ კარლიტო "რეალში" დარჩება, დიდია ალბათობა იმისა, რომ მიკელი დედაქალაქელი გახდეს.