ლონდონის "ჩელსის" მთავარმა მწვრთნელმა, ჯოზე მოურინიომ მისი გუნდის ბელგიელ ნახევარმცველისადმი საქებარი სიტყვები არ დაიშურა.

ამ კვირაში ედენ აზარი მადრიდის "რეალს" დაუკავშირეს. ამ ინფორმაციას ჟოზე გამოეხმაურა.

"ის მსოფლიოს სამ საუკეთესო ფეხბურთელში შედის. ედენის ცალი ფეხი 100 მილიონი ღირს".

"არ მჯერა, მან კლუბის გამოცვლაზე იფიქროს, აქ ყველანაირი ფუფუნება აქვს. აზარმა ამას ყურადღება არ უნდა მიაქციოს. კლუბთან კარგი ურთიერთობა მაქვს. თუ რამე მოხდება, ის ვიქნები, ვისაც პირველი ეტყვიან ამას,"-განაცხადა მოურინიომ.

ამ სეზონში, ედენ აზარმა პრემიერ ლიგაში 31 მატჩში 13 გოლი გაიტანა.