"მადრიდის რეალის" საკალათბურთო გუნდმა ევროლიგის ოთხთა ფინალის საგზური მოიპოვა.

„თეთრებმა“ საკალთბურთო ევროლიგის მეოთხე შეხვედრაში "ანადოლუს ეფესის" დაამარცხეს, რითაც ევროლიგის ოთხთა ფინალის საგზური მოიპოვეს.

ამ მატჩამდე "რეალის" კალათბურთელები სერიაში ანგარიშით 2-1 ამარცხებდნენ მეტოქეს, წყვილში გასამარჯვებლად კი 3 მოგება იყო საჭირო. პაბლო ლასოს შეგირდებმა გუშინდელ მატჩში ბრწყინვალე კალათბურთი აჩვენეს და 13 ქულიანი სხვაობით, 63-76 იმარჯვეს.

თეთრების მეტოქე ოთხთა ფინალში უკვე ცნობილია. ეს იქნება თურქული "ფენერბახჩე", რომლებმაც ისრაელს "მაქაბი" 3-0 დაამარცხა. მეორე ნახევარფინალში კი ერთმანეთს "ცსკა" და "ოლიმპიაკოსი დაუპირისპირდებიან, რომლებმაც შესაბამისად "პანათინაიკოსს" და "ბარსელონას" სძლიეს.

თეთრებმა, უკანასკნელი 5 ოთხთა ფინალიდან მეოთხედ მოახერხეს გასვლა, თუმცა ვერცერთხელ მოახერხეს ევროლიგის მოგება. იმედი ვიქონიოთ, რომ მიმდინარე სეზონში შეძლებენ ლასოს ბიჭები ესოდენ ნანატრი თასის აღმართვას.