ჩემპიონთა ლიგის მეოთხეფინალური ეტაპის განმეორებითი დაპირისპირების წინ, ტონი კროოსმა ჟურნალისტების კითხვებს უპასუხა.

„„რეალის“ ფეხბურთელები მეტად მოტივირებულნი ვხვდებით მომავალ პაექრობას.გუნდი სასურველ კონდიციებში შევიდა და გვინდა, რომ მომდევნო ეტაპის საგზური მოვიპოვოთ.რა თქმა უნდა, ვწუხვართ საკადრო პრობლემების გამო, თუმცა ყურების ჩამოყრა ნამდვილად არ ღირს.ვეცდებით, საუკეთესოდ წარმოვაჩინოთ შესაძლებლობები.“

„სტატისტიკან გამომდინარე, „ატლეტიკო“ რთული მეტოქეა „რეალისათვის.“ყველაფერს გავაკეთებთ იმისათვის, რომ მათთან წარუმატებელ ასპარეზობას დაღი დავასვათ.“

„ვფიქრობ, ჩვეულ სტილში უნდა გავაგოროთ ბურთი.წინა კვირის შეხვედრაში, დიდებული პირველი ტაიმი ჩავატარეთ და თუ ასევე ვიასპარეზებთ 90 წუთის განმავლობაში, არ გაგვიჭირდება ნახევარფინალში გასვლა.“

„ლუკა მნიშვნელოვანი ფეხბურთელია და ცხადია, ჩვენთვის დანაკლისია მისი არყოფნა, მაგრამ როგორც ზემოთ აღვნიშნე, გარკვეული მოთამაშეების უქმობა, ჩვენ ვერ შეგვაჩერებს.“

„ცნობილი ფაქტია, რომ „ატლეტიკო“ ყოველთვის ცდილობს ზეწოლის მოხდენას მსაჯებზე.„რეალმა“ საკუთარი ფეხბურთი უნდა ითამაშოს.“

„ფელიქს ბრიხი ძალიან კარგი არბიტრია.ვფიქრობ, მან იცის რა ელოდება წინ.თამაშის დაწყებამდე ვეტყვი, რომ ყვითელი ბარათი არ მიჩვენოს, რამეთუ 1 გაფრთხილება უკვე მაქვს.“

„ყველაზე მთავარია მოედნის ცენტრის გაკონტროლება.“

AS