რაფაელ ვარანი ზაფხულში მადრიდის "რეალს" დატოვებს.

ჩემპიონთა ლიგაზე "ატლეტიკოს" წინააღმდეგ ბრწყინვალე მატჩის შემდეგ, ფრანგმა მცველმა განაცხადა, რომ მისი მთავარი მიზანი და სურვილი ძირითად შემადგენლობაში თამაშია და თუ ასე არ მოხდება, იგი იძულებული იქნება გუნდი დატოვოს.

"როხი-ბლანკოსთან" შეხვედრის შემდეგ გამოჩნდა, რომ ვარანი ნამდვილად იმსახურებს სასტარტო შემადგენლობაში ადგილის დამკვიდრებას, თუმცა კარლო ანჩელოტი ვერ რისკავს პეპეს და რამოსის დუეტის დაშლას, რაც იმას ნიშნავს, რომ ისეთი გუნდები, როგორებიც არის "ჩელსი", "ბაიერნი" და მანჩესტერ "სიტი" თავისუფლად შეძლებენ ახალგაზრდა ტალანტის გადაბირებას.

რაფაელის სატრანსფერო ღირებულება 50 მილიონ ევროს შეადგენს. ეს იქნება მინიმალური ოდენობა თანხობრივად, რომელსაც მადრიდის "რეალი" დათანხმდება. სავსებით შესაძლებელია, შემდეგი სეზონიდან ვარანი სხვა გუნდის მაისურით ვიხილოთ.

Bernabeudigital.com