მადრიდის "რეალის" პორტუგალიელი ვარსკვლავი, ქრიშტიანუ რონალდუ ჩემპიონთა ლიგის ბოლო ოთხ გასვლით შეხვედრაში გოლის გატანას ახერხებს.

რონალდუმ თავისი სერია ბულგარეთში, "ლუდოგორეცთან" დაიწყო. ამის შემდეგ, "ლივერპულთან" გამართულ მატჩში ხამეს როდრიგესის პასი გამოიყენა და ანგარიშის გახსნა მოახერხა. "ბაზელთან" დაპირისპირებაში "რეალმა" მინიმალური ანგარიშით 1:0 მოიგო, "სამეფო კლუბის" მხრიდან ერთადერთი გოლის ავტორი პორტუგალიელი გახდა. უკვე, 1/8 ფინალურ ეტაპზე "შალკესთან" შეხვედრაშიც გახსნა ანგარიში, "რეალმა" კი 2:0 მოიგო.