თითქმის 2 თვიანი უქმობის თავზე, იტალიელმა დამრიგებელმა, პირდაპირ სასტარტო შემადგენლობა ანდო კოლუმბიელ შემტევს.

თამამად შეიძლება ითქვას, ხამესი ყოველგვარი დისკომფორტისა და პრობლემების გარეშე აგორებდა ბურთს პირველივე წუთებიდან.მას არაფერი ეტყობოდა იმისა, რომ იანვრის მიწურულს, საკმაოდ მძიმე ტრავმის მიღების შემდეგ, საოპერაციო მაგიდაზე იმყოფებოდა.

ტრადიციისამებრ, როდრიგესი გუნდზე ორიენტირებული თამაშით გამოირჩა, რაზეც მოწმობს სტატისტიკაც.ის მე-60 წუთზე შეცვალა მწვრთნელმა, თუმცა ამ პერიოდის განმავლობაში, 2 შედეგიანი პასის გაკეთება მოახერხა - ჯერ კრიშტიანუს გაატანინა, ხოლო შემდეგ ბენზემასაც დაეხმარა თავის გამოჩენაში.

სასიხარულოა, რომ სეზონის მნიშვნელოვან ნაწილში, სახმრეთ ამერიკელი ფეხბურთელი ანჩელოტის განკარგულებაშია.დარწმუნებული ვარ, ხამესთან ერთად, „რეალის“ ჩემპიონობის შანსი ერთ-ორად გაიზრდება.

ჰალა როდრიგეს, ჰალა მადრიდ!