ინგლისურ საინფორმაციო საშუალებებზე დაყრდნობით, "ვესტ ჰემ" იუნაიტედი მადრიდის "რეალის" შემტევით, ხესე როდრიგესით დაინტერესდა...

მრავალთვიანი პაუზის შემდეგ ესპანელი ფეხბურთელი გუნდს დაუბრუნდა, მაგრამ სასურველ კონდიციაში ჩადგომას ვერ ახერხებს. ხესეს პირველ რიგში სისწრაფე აქვს დაკარგული, რაც ფეხბურთელის მთავარი კოზირი გახლდათ. შარშანდელ სეზონში როდრიგესი საკუთარი მოქნილობის ხარჯზე არაერთხელ გახდა მადრიდელთა აღტაცების ობიექტი.

სათამაშო დროის მიხედვით როდრიგესს საქმე კარგად არ მისდის, ვინაიდან ის მუდმივად სათადარიგოთა სკამზე ზის.

"ვესტ ჰემის" ხელმძღვანელობა ფიქრობს, რომ "კანარელი" ინგლისურ ფეხბურთს კარგად მოერგება და პრემიერლიგაში საკუთარ სიტყვას იტყვის, ამიტომ სეზონის ბოლოს მადრიდულ მხარესთან მოლაპარაკებების გამართვას გეგმავს.