მომავალ სატრანსფერო ფანჯარაზე, ახალგაზრდა ესპანელი კიპერი, „რეალის“ ნომერ პირველი პრიორიტეტი იქნება.

სამეფო კლუბის წარმომადგენლები ძალისხმევას არ დაიშურებენ, 24 წლის ფეხბურთელის სამშობლოში დასაბრუნებლად, რომელსაც 2017 წლის ზაფხულში ეწურება მანჩესტერში ყოფნის ვადა.აღსანიშნავია, რომ ჯერჯერობით, დე ხეა უარს აცხადებს ამჟამინდელ გუნდთან კონტრაქტის გახანგრძლივებაზე.

2011 წელს, ალექს ფერგიუსონმა 22.7 მილიონი ევრო გადაიხადა მეკარეში, ხოლო ახლა, მისი სატრანსფერო ფასი, 68 მილიონის ფარგლებში მერყეობს.არაოფიციალური ინფორმაციით, თავად მოთამაშესაც სურს მადრიდში გადაბარგება, თუმცა მხოლოდ კასილიასის წასვლის შემთხვევაში.

„სანტიაგო ბერნაბეუზე“ დე ხეას ალტერნატიულ ვარიანტსაც განიხილავენ.იმ შემთხვევაში თუ, „ატლეტიკოს“ ყოფილი კარის დარაჯის ტრანსფერი კიდევ ერთი წლით გადაიდება, მადრიდელები მოლაპარაკებებს დაიწყებენ პეტერ ჩეხთან.32 წლის ჩეხი ფეხბურთელი, ფაქტობრივად, უთამაშებლად გრძნობს თავს მოურინიოს „ჩელსიში.“

AS