გუშინ ღამით, სამეფო კლუბის ოფიციალურმა ვებგვერდმა კიდევ ერთი ბრაზილიელის გამადრიდელება აუწყა გულშემატკივრებს.

უკვე ახალი სეზონიდან, „რეალის“ ღირსებას დანილო დაიცავს, რომელიც ხსენებული ქვეყნის 23-ე წარმომადგენელი იქნება კლუბის ისტორიაში.აღსანიშნავია, რომ პირველი მოთამაშე, ლათინური ამერიკის უდიდესი სახელმწიფოდან, ჯერ კიდევ 1935 წელს გამოჩნდა ესპანეთის დედაქალაქში, თუმცა ფერნანდომ Giudicelli-მ მხოლოდ 1 მატჩში მოასწრო მონაწილეობის მიღება.

რამდენიმე წლიანი პაუზის შემდეგ, 50-იანებში, ბრაზილიელები კვლავ გამოჩდნენ „ბლანკოსის“ რადარზე, დიდისა და კანარიოს სახით, ხოლო 1965 წელს ევარისტო გადაბარგდა მადრიდში.

რაც შეეხება ახლო წარსულს, 90-იანი წლებიდანნ მოყოლებული, „თეთრი“ ფერები 17-მა „სელესაოელმა“ დაიცვა.მათგან ყველაზე წარმატებული გამოდგა რობერტო კარლოსი.ეს უკანასკნელი, 527-ჯერ გავიდა მწვანე მინდორზე „რეალის“ რიგებიდან.ამასთანავე, არ უნდა დაგვავიწყდეს რონალდოც, რომელიც 104 მადრიდულ გოლს მოითვლის.

AS