მას შემდეგ, რაც ცნობილი გახდა, რომ მადრიდის "რეალმა" პორტუგალიური "პორტოდან" დანილო ლუის და სილვას შეიძინა, ალვარო არბელოას პოზიციები კიდევ უფრო შეირყა...

შარშანდელ სეზონში ესპანელი ფეხბურთელი ხშირად გვევლინებოდა სასტარტო შემადგენლობაში, მაგრამ წლეულს, დანიელ კარვახალმა გაცილებით მეტი ითამაშა, ვიდრე არბელოამ.

აღსანიშნავია, რომ ჩემპიონთა ლიგის ჯგუფურ ეტაპზე კარლიტო სწორედ არბელოას ენდობოდა, მაგრამ 1/8 ფინალიდან მოყოლებული სასტარტოში ადგილი კარვახალს ერგო.

დანილო პრობლემებს შეუქმნის, როგორც კარვახალს, ასევე გამოცდილ მცველს, მეტსაც გეტყვით, არბელოა ფაქტობრივად, განწირულია და ეჭვი აღარავის ეპარება იმაში, რომ სეზონის ბოლოს კლუბს გამოიცვლის.

დაინტერესებული კლუბების ვინაობა ჯერ-ჯერობით ცნობილი არ არის.