ბრიტანულ გამოცემებზე დაყრნდობით, სამი ხედირასთვის ბრძოლაში "შალკეს" ლონდონის "ჩელსი" გაუწევს კონკურენციას...

"არისტოკრატების" მთავარი მწვრთნელი, ჟოზე მოურინიო გერმანელი შუახაზელის შესაძლებლობებში დარწმუნებულია. პორტუგალიელი სპეციალისტი "რეალში" მუშაობის დროს ხედირას სრულ ნდობას უცხადებდა და ნახევარდაცვაში ალონსო-ხედირას დუეტს უალტერნატივოდ მიიჩნევდა. როგორც სჩანს, სამისადმი სიმპატია მოუს არ განელებია.

"Metro"-ს ინფორმაციით, ლონდონელები მზად არის ხედირას კვირაში 136 000 ევრო შესთავაზონ, რაც წლიურად თითქმის 7 მილიონი ევრო გამოვა.

გერმანელი ფეხბურთელი 30 ივნისს თავისუფალი აგენტის სტატუსს მიიღებს და სრულიად უსასყიდლოდ გადავა დაინტერესებულ კლუბში, სწორედ ამიტომ ის საუკეთესო სახელფასო პირობებსა და გარემოს ძიებაშია.