მადრიდის "რეალმა" დღეს კვირის პირველი ვარჯიში გამართა. ნაკრებებში გამგზავრებული ფეხბურთელები კოლექტივს კვლავაც აკლია, თუმცა გარეთ ბეილი ესპანეთის დედაქალაქს უკვე დაუბრუნდა...

უელსელი ფეხბურთელი დახურულ კარს მიღმა, აღდგენითი ვარჯიშით შემოიფარგლა. ანჩელოტის განკარგულებაში იყვნენ არბელოა, ილიარამენდი, ხესე, ხამეს როდრიგესი, ნაჩო და სხვები. შეგირდთა მეტი წილი კასტილიელებზე მოდიოდა.

ანჩელოტიმ გუნდს სხვადასხვა სახის ვარჯიში შეასრულებინა. კლუბში მატება ხვალიდან დაიწყება, შემდეგ კი "გრანადასთან" დაპირისპირებისთვის მზადება ინტენსიურ რეჟიმში შევა.

შეგახსენებთ, ლა ლიგაში დედაქალაქელები 5 აპრილს განაახლებენ ასპარეზობას.