ნებისმიერი მადრიდისტასთვის რომ გვეკითხა, ვინ არის ყველაზე დიდი ნდობით აღჭურვილი პირი "რეალში", ან ვის აქვს ყველაზე მეტი მატჩი ჩატარებული კარლო ანჩელოტის დროს, ალბათ ძალიან ცოტა უპასუხებდა, რომ ეს ფეხბურთელი ისკოა. სავარაუდოდ, ყველაზე მეტ ხმას რონალდუ, რამოსი და სხვები მოაგროვებდნენ, მაგრამ სტატისტიკა ყველაფერს ამტკიცებს...

105 დაპირისპირებიდან ალარკონის ანგარიშზე 94 შეხვედრაა, საიდანაც მან 72-ში გამარჯვება და 16 გოლის გატანა შეძლო. 94 მატჩიდან 58 ლა ლიგაზე მოდის, 19 ჩემპიონთა თასზე, 13 "ლა კოპაზე", 2 მსოფლიო საკლუბო ჩემპიონატზე, 1 ევროპის სუპერთასზე და 1 ესპანეთის სუპერთასზე მოდის.

ისკოს ერთი მატჩით ჩამორჩება კარიმ ბენზემა, რომელსაც 93 დაპირისპირებაში აქვს მონაწილეობა მიღებული.

ისკოს და კარიმის შემდეგ საუკეთესო მაჩვენებლებით თავს იწონებს კრიშტიანო რონალდუ. (87 მატჩი).

მიმდინარე სეზონში ტონი კროოსი მინდორზე 42-ჯერ გავიდა, მსგავსი მაჩვენებელი "მერენგების" არცერთ ფეხბურთელს არ აქვს, აქედან კი გამომდინარებს, რომ ტონი ანჩელოტის ყველაზე დიდი ნდობით აღჭურვილი პირია.

კროოს თითო მატჩით ბენზემა, მარსელო და ზემოხსენებული ისკო ჩამოუვარდებიან. (41-41 მატჩი)